Igl avrel 2027 semida l'aula Laax en ina dschungla. 200 affons dalla scoletta tochen la 6. classa da Laax e Falera giogan, contan e saultan «Camillo – il musical», per romontsch.

 

Il toc ei in'atgna producziun da nossa scola. Cudisch, texts da canzuns, musica ed inscenaziun ein da nossa persuna d'instrucziun da scoletta Riccarda Camenisch.

 

Quater presentaziuns publicas, rodund 900 visitadras e visitaders, in entir onn da scola lavur. Per la producziun mauncan a nus rodund frs. 25'000.

 

Nus luvrein senza pachets da sponsoring fixai. Vus determineis Vossa contribuziun e la fuorma dalla veseivladad, tut igl ulteriur fixein nus communablamein. Era prestaziuns materialas sco material, tecnica ni spisas ein beinvegnidas.

 

Tgi che sustegn Camillo, sustegn la cultura linguistica romontscha leu nua ch'ella nescha, numnadamein tiels affons.

 

Ils detagls anfleis Vus el dossier. Bien engraziament per Vies interess! ​